បរទេស៖ លោក Daniel Riolo បាននិយាយថា កំពូលខ្សែប្រយុទ្ធឆ្នើម Neymar Jr កំពុងតែបំផ្លាញក្លឹប Paris Saint Germain។
ជាការពិតណាស់កំពូលខ្សែប្រយុទ្ធ Neymar រូបនេះទើបតែត្រូវបានអ្នកគាំទ្រស្រែកហ៊ោបង្អាប់ជាមួយនឹង Messi កាលពីក្រុម PSG យកឈ្នះក្រុម Bordeaux ក្នុងលទ្ធផល ៣ទល់នឹង០ កាលពីប៉ុន្មានសប្តាហ៍មុននេះ។ លើសពីនេះផងដែរកីឡាករ Neymar ក៏ត្រូវបានរាយការណ៍ថា គេចង់ចាកចេញពី PSG ផងដែរ បន្ទាប់ពីជួបរឿងហេតុនេះ ដោយ Neymar ត្រូវបានសន្និដ្ឋានថា អាចនឹងត្រលប់ទៅ Barcelona វិញ ស្របពេលដែលក្លឹប Newcastle កំពុងបើកការចាប់អារម្មណ៍។
លោក Daniel Riolo បាននិយាយថា៖ អ្នកគាំទ្រ PSG ទាំងអស់ គេមិនខ្វល់ពីធាតុពិតរបស់ Neymar ថាយ៉ាងម៉េចនោះទេ ពួកគេមិនខ្វល់ថា Neymar ធ្វើបានល្អ ឬ មិនបានល្អអីទេ គេគ្រាន់តែចង់ឲ្យ Neymar ចេញ ព្រោះពួកគេគិតថា Neymar កំពុងបំផ្លាញក្លឹបមួយនេះ។ PSG គួរតែធ្វើបែបនេះមែន គេគួរតែបើកទ្វារឲ្យ Neymar ចេញទៅ ព្រោះគេបង្កផលប៉ះពាល់ដល់ក្នុងក្រុមច្រើនណាស់៕
Tags
កីឡា